感謝kap期待

寫tī第23屆世界台語文化營結束後

台灣羅馬字協會理事長

Tiuⁿ, Ho̍k Chû (張復聚)

tojhokchu@gmail.com

第23屆世界台語文化營(簡稱台文營)，已經tī 2019年8月27 Lomita ê南灣台灣基督長老教會完滿結束！真感謝濟濟國內外鄉親ê鼓勵，督促、支持kap鬥相共，mā感受tio̍h大家對台灣母語ê疼惜，對咱ê母語文化猶原是chiah-ni̍h死忠koh熱phut-phut！

台語文運動tī 1970年代就已經開始！台文營上早是1995 年台灣獨立建國聯盟美國本部蔡正隆主席 tī 美國 Houston 辦 ê 北美台語文夏令會。 蔡主席覺悟家己是”母語青盲牛”，認定beh建國bē當無台灣母語文化！

自2001年TLH (Tâi-oân Lô-má-jī Hia̍p-hōe台灣羅馬字協會)成立了後台文營就sóa轉來台灣舉辦，而且一直lóng是TLH負責辦理。Chit中間2003年因為中國肺炎，就是SARS，有停一屆。台文營一直lóng是大人參加，目的是hō͘台語文運動界朋友有聚會ê機會kap叫醒台灣人ê母語意識！過去40外冬大家認真拚勢ta̍uh-ta̍uh-á有hō͘政府看--著！對2001年開始tī國小教台灣母語，所pái咱mā須要辦理大人lia̍h外ê營隊。因為按呢TLH才tī 2008年koh開始辦高中生台文營、2012年koh有囡仔營！

但是，TLH是民間社團，無啥物資源，欠錢koh欠人！一年冬beh辦理chit 3款營隊，確實足chia̍h-lat！所pái今年(2019)決議kan-ta辦高中生kap囡仔營，台文營停辦。無phah-sǹg ，4月底美國ê鄉親強烈建議TLH今年ài繼續辦台文營，koh是去美國辦！時間是8月25到27，chhun無4個月thang準備！鄭良光先生koh真あっさり講經費方面若是文化部補助款若無夠，伊beh負責募款！實在hō͘人足感動！阮經過網路臨時理事會討論得著大家同意！Chhân-chhân tāu-koaⁿ kā chhiat gō͘-kak，chhūn-pān-sí--ê chiū kā liâu--lo̍h-khì！對5--月開始備辦chit-ê台文營。   

Chit-pái來參加ê人除了台語文先進同志掠外，上蓋特別--ê是，有8位40歲以下ê少年人對台灣kap Canada來參加！感謝陳文成基金會提供全額補助。

這是TLH頭擺去海外辦理台文營。好佳chài有真濟個人、單位kap團體熱情贊助kap鬥相共營隊才有才調sūn-sī圓滿達成任務！

Tī chia 大大感謝美國台文通訊kap加拿大Toronto台灣語文中心提供全面tek幫贊、美國光鹽基金會為咱備辦營隊ê伙食及歡迎晚宴、美國陳文成教授紀念基金會補助、

40歲以下少年人去美國開會、南灣台灣基督長老教會免費提供場所koh動員會友鬥腳手、白鴒鷥團契kap台灣歌仔戲班劇團為晚會提供精彩ê節目、美國台灣人聯合基金會提供財務及文化交流公共關係ê協助、南加州台灣人教授協會協辦！當然咱mā ài感謝鄭良光先生提供真濟經費kap夫人Christine’s 創意表演藝術工作室為咱做報名接待工作及籌備晚會節目。

Koh有，公共電視台語台台長呂東熹先生不但親身出席報告台語台現況kap展望，koh派2位記者專程報導！

感謝台灣文化部補助台灣參加者部份ê旅費kap部長鄭麗君有製作video kā咱祝福。

上尾就是特別感謝蔡英文總統tī足無閒ê工作中koh撥工製作錄影片kā咱肯定kap鼓勵。

這擺台文營hō͘我上大ê感想是：少年人已經開始teh關心台灣母語滅絕問題，tī台灣有、tī海外mā有！Chit-má 有愈來愈濟ê少年爸母開始覺醒beh全部使用台灣母語！這是咱進前m̄-bat想--過、m̄-bat 拄--過、 mā m̄-bat看--過ê歷史場景！咱應該按怎看待chit-ê現象、按怎對應chit款機緣、應該做啥物來鬥相共？不管按怎講，少年人才是決定台灣母語前途ê主角，咱進前拍拚40外年ê粒積mā是ài 靠in 來thn̂g-thòaⁿ(傳湠)！

Tī 母語滅絕危機隨時到臨ê 眼時前，tī母語繼續teh弱化 ê台灣，咱已經有爭取著《國家語言發展法》kap公共電視台語台ê初步成績。但是咱應該思考按怎好好á把握這款時機，鬥陣來保存，koh活kap發展 (Preservation, Revitalization and Development) 台灣母語，這lóng是咱ài繼續拚落去ê khang-khòe！

期待台灣母語CTT（chhut-thâu-thiⁿ）！

醫學台語教育ê感想-Tiuⁿ, Ho̍k Chû (張復聚)

醫學教育ê目的是beh培養醫學人才，包含醫、護、藥、、等逐樣人才，來做基礎醫學研究kap臨床醫療事工，thang解決咱人身苦病痛kap生死ê問題。照按呢講，醫學教育m̄-nā 是科學教育，mā需要人文、社會、甚至哲學、宗教等等內容。不過，台灣醫學教育往過一直攏『重科技、輕人文；重生物、輕社會』(陳永興2002)，莫怪有時hō͘人漏氣講kan-na(僅只)會當培養『醫事工人』爾爾。80年代台灣社會開始民主化了後，學校教育mā加減民主化、自由化kap多元化，m̄-kú 哪像猶未真正人性化。本土語言教育議題是1個真好ê參考。

世界各地ê語言teh 流失、死亡 ê速度真hō͘人驚惶。這馬世界有beh 倚六千種ê語言，到21世紀尾90％ ê語言會死亡、滅種（Krauss 1992）。台灣本土語言流失ê情形也相當嚴重。台灣原本有 20幾種無仝ê語言，但是有一半已經死去lah (李壬癸 1997)。根據鄭良偉教授 ê觀察，台灣人母語斷種 ê症頭，會當對下面三方面看出來：母語使用ê範圍（人口，場所）愈來愈少，使用母語ê能力減退（鄭良偉 1990）。調查台灣本土語言使用ê學者指出 Hō-ló 話、客話攏有衰微ê現象（Young 1988），原住民 ê語言thang 講已經行向滅種 ê路（黃宣範 1995）。

醫學台語教育

往過台灣醫學院ê語言教育，內容雖罔 m̄是真豐沛，m̄-kú 華文、英文、拉丁文、德文、日文、、攏有，孤台灣社會上需要ê本土語文 (原住民、客家kap Hō-ló) 無！袂輸台灣人攏無這款需要、á是台灣人無⬀在 leh。這款情形全世界大概乾焦台灣才有！

醫療界kap少年人ê語言態度：結論-Tiuⁿ, Ho̍k Chû (張復聚)

少年人才是台灣政治、文化kap台語文生死ê主角！

請lín主動、積極kap骨力繼續拍拚。

老輩--ê有熱情kap使命感，mā已經有付出kap拍拚足久，累積bē-chió經驗kap成績，lín應該好好á寶惜；總是，人ê性命有限。Goán ē-tàng koh kè-sio̍k kap lín chò-hóe piàⁿ ê sî-ji̍t chhun bô gōa-chē.

借Nylon (鄭南榕) 講ê話：

Koh來，就是lín少年輩ê代誌lah！

建立台語人尊嚴kap台語文主體性-Tiuⁿ, Ho̍k Chû (張復聚)

1.台灣文化：

包含漢文化、南島文化、日本文化、歐美文化、台灣人家己創造ê特殊文化。 Pí-jū：火車慢分、排隊、不好意思、問路chōa人kiâⁿ、、

2.轉型正義

意義：轉型正義（英語：Transitional Justice）是民主國家對過去獨裁政府實施ê違法kap無正義行為ê彌補，一般有司法、歷史、行政、憲法、賠償等面向。上要緊上根本ê基礎是追求歷史真相。

目的：保障「基本人權」ê普世價值，beh督促政府停止、調查、懲處、矯正、kap預防未來政府對人權ê侵犯。

語言議題ê觀點：

Richard Ruiz (1984):

Language-as-problem (問題)—消滅

language-as-right (人權)—提倡

language-as-resource (資源)—保存kap發展

聯合國政策

1948世界人權宣言Universal Declaration of Human Rights

1996世界語言權宣言Universal Declaration of Linguistic Rights

2001文化多樣性宣言Universal Declaration on Cultural Diversity

3.要求中央政府趕緊設立行政法人ê「國家語言發展中心」。

危機：30年後台灣母語攏總死了了 展望：期待國家語言發展法kap公共電視台語台-TLH創會會長Tiuⁿ, Ho̍k Chû (張復聚)

語言生存kap發展ê前提：「文字化、標準化、現代化」+「75%語族群積極使用」

30年後台灣母語攏總死了了

28 July 2017

李江却台語文教基金會 

Tiuⁿ, Ho̍k Chû (張 復聚)

自1956年「國民黨政府」正式下令學校禁止講「方言」，校內設糾察隊，互相監視」(黃宣範。1993) 開始， 台灣本土母語就一步一步踏入死亡ê界線！

到今，已經超過60年！台灣人ê母語大概會tī 30年內攏總死了了。

世界ê語言tng-teh快速流失kap死亡，超過咱ê理解！語言學者bat講：「現此時世界上beh倚6,000種ê語言，到21 世紀尾 90%攏會死亡、滅種」(Krauss1992)。台灣母語ê流失mā仝款真正足嚴重。本底咱有20外種無仝ê語言，但是有一半已經死去ah (李壬癸 1997)。根據鄭良偉教授ê觀察，台灣人母語滅絕ê症候有：1) 母語使用ê人口愈來屢少、2) 母語使用ê場面縮細減少、 3) 台灣人使用母語ê能力一直teh衰退(鄭良偉 1990)。

聯合國mā已經認定台灣本土母語「濱臨絕種」!「濱臨絕種語言」就是少年人已經無koh再學習、無koh再使用ê語言，這款語言30-50年內定著會斷種。「無koh使用」就是「無講」，「無講就無可能傳hō͘後一代」。按呢咱thang知：「濱臨絕種語言」kap目前語言使用人口數濟少無關係。根據社會語言學研究，上少ài有75%人口「積極」使用，語言才會得thang繼續生存kap發展。Chit-má 台灣koh有偌濟人「積極」teh使用台灣本土母語呢？政府保護台灣文化一直真認真，有設文化部專職單位；m̄-kú獨獨對「文化ê載體」--活人ê 語言，有看無見，有講無做。實在hō͘人足遺憾、足失望！台灣人已經普遍攏學會曉保護環境、尊重草木禽獸生存權，是啥代猶袂曉beh保護家己ê語言？

大家攏認定台語猶閣有”足濟人”繼續teh使用，無斷種ê危機。這是上恐怖、相hō͘人煩惱ê問題：無危機意識才是台灣本土母語ê「真正危機」!

TLH (台灣羅馬字協會) 紹介 ---唯一主張「台語白話字」ê台語文團體-TLH創會會長Tiuⁿ, Ho̍k Chû (張復聚)

「台灣南社」是「台灣羅馬字協會」上大ê靠山！

成立：19 Aug 2001, Tām-súi (淡水)

宗支：推sak Pe̍h-ōe-jī、多語政策、承認Pe̍h-ōe-jī文字地位

方法：3-ki kha---運動、立法/教學、研究/寫作、出版

紹介—

事工：附件〈TLH章程〉kap「台灣羅馬字協會」碩士論文

會員：眼時前會員186