Babuza Chu
周清玉前縣長kap伊ê翁婿姚嘉文先生，真早就關心台灣本土ê政治、文化等等議題。當初民進黨beh組黨，前一暝就是tī in兜聚會討論相關事項。In ang-á-chiá 會使講是貢獻足濟、足濟ê台灣人！
1997年，周清玉前縣長koh成立「財團法人關懷文教基金會」，kloh對2000年開始，逐年辦「台語演講」比賽，叫醒台灣人ê母語意識！到chit-má已經20年ah！chit中間，伊有當選過彰化縣縣長kap立法委員。不管tī甚物職務，伊lóng一直teh關心台灣母語失落ê代誌！周清玉前縣長kap伊ê翁婿姚嘉文先生上kài hō͘咱感心--ê是：in離開政治界了後，mā是繼續koh關心、提倡kap推sak有關台灣母語ê事工，包含國家語言發展法、公共電視台語台等，積極去遊說立委、國會、政府機關，希望對台灣母語有正面ê作為。結局就是咱chit-má看--著ê國家語言發展法立法通過kap公共電視台語台開播！chit點伊kap足濟政治人物無仝！這是in特別值得咱kā o-ló ê 所在。
