永遠的故鄉-詩詞：吳景裕/作曲：蕭泰然

看著是茫茫ê海水            思念是遠遠ê故鄉

三十年飛鳥teh流浪        故鄉我ê故鄉

鼻著是芬芳ê花味            風吹是靜靜ê故鄉鄕



一二欉蓮霧teh開花        故鄉我ê故鄉

照著是白白ê月光            出日是美麗ê故鄉

三四甲稻仔teh結穗        故鄉我ê故鄉

聽著是近近ê笑聲            作夢是細漢ê故鄉

五六隻蜻蜓teh sńg水     故鄉我ê故鄉

踏著是青青ê土地           希望是永遠ê故鄉

每一遍心內teh叫你        故鄉永遠ê故鄉

遊子回鄉-詞：鄭兒玉/曲：蕭泰然

看見故鄉的山   感覺才boē孤單

滿心boē曉得通講   所受安慰解流浪

感謝互我有根基礎   我欲誇口美麗鄉土

感謝互我有根基礎   我欲誇口美麗鄉土

神祐台灣-Formosa （God Bless Taiwan -Formosa）-詞曲：玊山蕉/編曲：蕭泰然

故鄉，故鄉，Formosa！

祖先開拓代代住在彼！

咱的祖國（故郷）美麗島，

求祢祝福擱祝福！

互咱鄕土常常堅固，離開罪惡免災害

士農工商隴得繁榮，人民更勤勉

贏過困苦贏過試鍊，平安喜樂永遠無停

四大族群團結一致，建設咱家園

子子孫孫同心協力，平安喜樂永遠無停

上帝（求祢）祝福！祝福台灣！

祝福祝福！Formosa！