對台語運動未來發展的一寡想法 (引言提要)-Hô Sìn-hān(何信翰)

台語文運動佇國家語言發展法通過了後，已經進入新的階段。新的階段，需要新的思維。台語人敢準備好矣？佇遮有二个方向，咱逐家友志作伙來參詳：

一、新觀念

(1) 『不割席、不篤灰、不指責』

咱敢有感覺台語運動的朋友一開始感覺真ma-chih，後來soah發現「伊予政府買收去矣，soah攏無敢講話」，抑是「伊怎會chiah無理性，衝kah無斬無節，傷超過啦」(這是兩種相對的思維)？自按呢，朋友漸漸無來去。其實，這種狀況毋若kan-na台語，佇所謂的「台派」內面也是真chia̍p發生。

「只要毋是朋友的攏是敵人」和「只要毋是敵人的攏是朋友」聽起來蓋親像，總是這是2種完全無仝的思維方式：頭一種會予路愈行愈狹，後一種予門愈來愈開。

中央政府的台語政策發展 -- 現況和未來 (對國家語言發展法講起)-Hô Sìn-hān(何信翰)

咱敢有法度想像，有一工台語會當有專門的法令來保障權益，有家己的電視台通傳播？敢有法度想像政府的公文書、國立的各類博物館攏會當用台語？對國小到高中攏有台語課，嘛鼓勵各科用台語進行教學？總統、文化部長、教育部長佇家己的FB鼓勵民眾講台語、參觀台語文的園區？敢會當想像政府設立專責機構來做台語資料庫、固定時間進行語言使用狀況調查？敢會當想像政府固定時間就舉行「國家語言發展會議」，向全民報告語言復振的狀況；佇行政院內面設立國家語言小組，討論語言復振的事工，koh佇公部門的會議內面，公平對待台語的使用？

頂面講的進展，攏是這馬的現況，抑是佇1年內會發生的改變(國、高中必修這馬教育部已經積極leh進行相關配套的規劃，按照法規，會佇2022年開始全面實施)。Tsia改變，攏是對2016年開始發生的。佇he進前，台語文運動經歷過一段真烏暗的日子……。

代誌愛對蔣偉寧做教育部長講起。Hit時阮(和周清玉前縣長、鄭正煜前社長)招一大陣人(包括幾nā位立委)，紮40幾位立委的聯署書去揣蔣偉寧部長，爭取本土語文教育正常化。Hit時阮提出的訴求之一，是將台語文的預算對hit時的2千外萬，恢復杜正勝部長時代的5千萬 – 這是我思考政府本土語文預算的開始。自按呢，我去查客委會、原民會的預算。做出對照圖通予社會/政府清楚看出台語文受著的無公平對待。Hit時，李勤岸教授和廖瑞銘教授嘛定佇演講的時，講台語是「上蓋弱勢的多數語言」。

台語文正式進入體制

久長、穩定的保障 – 國家語言發展法

一、想法