《馬鞍藤的春天》—尾聲(曲：姜建興/詞：劉南芳)

你身上的受苦是上帝疼你的記號

無免擔憂未來是如何

我的過去有我的祈禱

面對將來、離開心的監牢



海邊有無盡的波湧，海邊的青翠是馬鞍藤

無驚海水的寒冷

冬天的嚴風如冰



馬鞍藤的春天，有美麗的花蕊

忍耐嚴冬過去，忍耐孤單虛微



馬鞍藤的春天，花開發新枝

一頁一頁是我的親筆字，咱的人生會當等著春天

馬鞍藤的春天－序(曲：姜建興/詞：劉南芳)

不是桃花的紅艷   不是油桐花開加添

數算我無盡的思念   藉著風想欲飛過高巖

若有白色的花蕊   請替我插在鬢邊

為我青春的歲月   為我見未著的爸母妻兒

我的名字是悲傷   我的歌聲是理想



我的罪過是倔強   我的未來欲獻付心愛的故鄉

等無烈日的停止   風飛砂也無歇的時

開滿了路邊的青翠，馬鞍藤猶原也有春天