摘要
佇2002年春天，以作家身份移民加拿大，誠自然就以創作來做生活的工課。不而過對一个使用華語佮講台語超過半世紀的人，欲用英文創作，是一項大代誌。續落閣想欲用台文寫作，對一个完全受華語教育，雖然會曉講台語，但是習慣使用超過幾十冬的華語書寫，這閣是一項大挑戰。
一、用《英文》書寫來講，純粹是想欲予較濟族群了解《台灣》。我的作品大部份攏以親情和尋根為主，為著紀念父母以及台澎被日本殖民的歷史小說《井月澎湖》是代表作，也是移民成功主要的作品。移民後首先就英譯這本小說，分別參加法蘭克福、多倫多、台北等國際書展。小說主題是台灣，但美國的文宣時常印成中國，這个台灣和中國的結一直袂清楚，到2014年德國法蘭克福書展才塵埃落定。後來閣將華文作品陸續翻作英文，英文毋是我的母語，必須請加拿大的作家幫忙校對了後才敢出版。
二、用《台語》創作，親像會當位心肝窟仔揣著故鄉的親切。蹛佇國外用台文書寫，會當大方向外國朋友講“I am writing in Taiwanese.” 明明是台灣人若講 “I am writing in Chinese.” 連家已嘛袂自在。在異鄉寫自己的母語，可消除思鄉的痛苦，所以閣將童詩和散文翻作台文。有一首《佇外垵海岸走揣痕跡》獲打狗鳳邑台文新詩首獎，現在刻印佇澎湖外垵溫王廟前，成為觀光景點之一。有關台文陸續得幾項文學獎，評審蔣教授講：「李秀勇於嘗試台灣母語寫作，實值得台灣中文作家學習參考。由於她的海外生活經驗，讓當代的台語文學作品擴展更寬廣的視野。」
沒有留言:
張貼留言