歡迎大家坐hiah 遠ê飛機來到洛杉磯Lomita 這個小所在參加第23 屆世界台語文化營.
咱世界台語文化營頂遍佇南加州舉辦已經是23 冬前ê代誌--a, 五十 外位台灣草根台語文運動者kap70 幾位加拿大, 日本, 德國, 美國各城市來ê台語文化支持者, 自費tī風颱天坐飛機來到南加州Irvine 市, 參加第二屆台語文化營. 彼年咱記念公開承認家己是台語文盲ê蔡正隆博士, 將伊所發起 ê Houston北美第一屆台灣語文營, 追認做第一屆世界台語文化營. 台語文營改名做台語文化營雖然干焦加一字, 但是意義大, 就是咱決意欲行出台語文運動ê 同溫層, 結合各行各業tùi台語文化有心ê 人, 做伙來起造台灣文化ê 主體性.
