Phih-lih phah-lah phih-phah 叫 (世紀新聖詩14首)

1.

Phih-lih phah-lah phih-phah 叫，
啲落雨，啲落雨，
Phih-lih phah-lah phih-phah 叫
啥事會落雨？
欲互焦燥的花園
漸漸變做鬆閣軟，
花蕊連鞭會看見
日出光滿天。


1.
Phih-lih phah-lah phih-phah kiò, Teh lo̍h-hō͘, teh lo̍h-hō͘,
phih-lih phah-lah phih-phah kiò, Siáⁿ-sū ōe lo̍h-hō?
Beh hō͘  ta-sò ê hoe-hn̂g chiām-chiām pìⁿ-chòe sang koh nńg,
Hoe-lúi liâm-piⁿ ōe khòaⁿ-kìⁿ ji̍t chhut kng móa thiⁿ.


2.

輕輕飄飄飄落來，
啲落雪，啲落雪，
輕輕飄飄飄落來
啥事會落雪？
欲互花草及樹枝
穿白衫來過冬天，
雖然霜凍天氣寒，
燒烙得溫暖。


2.
Khin-khin phiau-phiau phiau lo̍h-lâi, Teh lo̍h-seh, teh lo̍h-seh,
Khin-khin phiau-phiau phiau lo̍h-lâi, Siáⁿ-sū ōe lo̍h-seh?
Beh hō͘ hoe-chháu kap chhiū-ki  chhēng pe̍h saⁿ lâi kè tang-thiⁿ,
Sui-jiân sng tàng  thiⁿ-khì Sio-lō tit un-loán.


3.

閃閃熠熠小金星
光映映，光映映，
閃閃熠熠小金星
啥事光映映？
欲互旅行出外人，
抵著烏暗心茫茫，
得金星照光導路，
行安穩路途。


3.
Siám-siám sih-sih kim-chhiⁿ kng iaⁿ-iaⁿ, kng iaⁿ-iaⁿ,
Siám-siám sih-sih kim-chhiⁿ Siáⁿ-sū kng iaⁿ-iaⁿ
Beh hō͘  lú-hêng chhut-gōa lâng,
Tú-tio̍h o͘-àm sim bâng-bâng,
Tit kim-chhiⁿ chhiō kng chhōa lō͘, Kiâⁿ an-ún lō-tô.


4.

Chiu-chiu 細隻鳥
啲唱歌，啲唱歌，
Chiu-chiu 細隻鳥
啥事啲唱歌？
欲互孤單的心靈
聽我唱歌心會清，
佇in心內欲聽見，
「上帝疼惜你。」


4.
Chiu-chiu sòe-chiah chiáu Teh chhiùⁿ-koa, teh chhiùⁿ-koa,
Chiu-chiu sòe-chiah chiáu Siáⁿ-sū teh chhiùⁿ-koa?
Beh hō͘  ko͘-toaⁿ ê sim-lêng
Thiaⁿ góa chhiùⁿ-koa sim ōe chheng,
Tī in sim-lāi beh thiaⁿ-kìⁿ  “Siōng-tè thiàⁿ-sioh lí.”