主要職銜:公共電視新聞部製作人1960年生，雲林人。世新大學新聞系、銘傳大學傳播管理研究所碩士。曾任《自立晚報》、《蘋果日報》、《台灣日報》副總編輯；《黑白新聞週刊》撰述委員；華衛電視台採訪主任；公視新聞部製作人、副理；台灣新聞記者協會發起人、第八屆會長。現職：公視新聞部台語新聞製作人。著有《政媒角力下的台灣報業》。
我是陳金花,是第一線ê台語老師，ùi 3歲教到80歲lóng教羅馬字。用我研究論文出版ê《台語羅馬字創意教材》簡化學習輕鬆理解子母音kap聲調運用規則，這速成ê教法已經培訓100外ê台語師資ah！
我親目睭看tio̍h電視、學校禁台語到chhun氣絲á ê事實。70外年來台灣族群靈魂hŏng消磨kah beh hóe-hoa--khì。俗語講「tī佗位跋倒tō ài tī hia peh--起來」。lán母語「tī政治失落mā ài tī政治救活。」lán重視母語文字化ê教育，mài成做「hō͘母語死tī lán這代」ê罪人。
M̄管文化底緻有外深ê語言，無文字書寫mā是會衰亡。真濟有志ê拍拚，2018年12月立法院通過國家語言發展法，2019/7/1公視也有台語頻道開播。政策面實施確實會增加台語活力。台語節目製作phāiⁿ-tio̍h重寫台語歷史ê重任。beh突顯在地元素當然ài台語字幕，上重要ê是呂東熹先生經歷豐富，是媒體人內底少數知影羅馬字好用e人。伊瞭解「聲音是主角,文字是為聲音服務，有話就有字。」用上簡單ê文字服務複雜ê語音，表現ê mê-kak是羅馬字。無論發音、字幕、編劇lóng筆尖寫喙尖，是書寫重要工具。咱較歹解決ê是台灣人慣勢看漢字。可惜台語有真濟是漢字bē-tàng表達--ê。就算教育部訂ê台語怪漢字，mā-sī輸入羅馬字才ē準確發音。
台電視節目有chin大ê社會教育功能。用母語書寫kap表達生活ê趣味性、現代性、大眾化、、、顯出在地價值。內容包含科學，經濟、軍事、文化、地理、歷史、宗教、哲學、、、。像吳忠信先生用台語講火箭發射。醫病對話、身體理看護學ê醫學台語文獻。台語講歷史地理地號名ê故事kap台語俗諺ê生活哲學。農業物產kap各行各業ê生活；做土水、修理機械、運動、掠漁、裁縫補thīⁿ--ê，士農工商經濟條件ê在地文化，lóng有土地ê聲嗽。
宗教例：六字大明咒~óng ma ni pe mi hóng~創價協會~Nam Mio͘ Ho͘ Len Ge Khioh.
地名例：內門lāi-bûn、美濃bi-long、彌陀bî-lô、六龜la̍k-ku-lih、阿蓮A-lian。
生活例：ò-giô薁蕘（華語愛玉）、擤鼻tshìng-phīnn、相𤲍sio-kheh、鹹纖kiâm-siam。
語音例：「gō͘-kho͘五元/ō͘-kho͘芋箍」、「gōng- gōng戇戇/ōng-ōng旺旺」
Lán期待台語節目製作團隊以台灣心、現代化、世界觀【上在地上國際】堅持母語文字化，有讀寫台語ê能力做電視台及各媒體事工。其他ê發展就一理通萬理徹，救ē tńg來咱族群ê靈魂--ah。
小建議：選台語節目製作精英ài nǹg-chǹg莫拘束tī文憑學歷。
- 經營素人~chhiau-chhōe中老年ê母語人力資源做語音顧問。
- 錄取通過成大台語認證高級C1,才真正有台語書寫實力。
- báng-gah教育全面學習羅馬字，宣導有助學第二語多元學習。
今有台語頻道、原、客電視台。善用電視ê教育力量hō͘族語tńg族人厝內。因為語言hŏng政治化，救母語過渡期安搭ê心理，mā只好漢羅字做伙用。俗語講：樹頭徛hō͘-chāi毋驚樹尾做風颱，世界羅馬字才是台語節目製作永續經營ê考量。
請參考張復聚醫生ê文章對台語書寫ê分析
http://www.southnews.com.tw/Taiwanese/00/00012.htm
https://talk.ltn.com.tw/article/paper/1240901
沒有留言:
張貼留言